Strategiija, árvvut ja ulbmilat
Lohpe- ja bearráigeahččodoaimmahaga strategiija ja árvvut hápmejuvvojit, go doaimmahat lea vuolgán johtui. Doaimmahaga doaimmaid leat válmmaštallan ulbmiliid vuođul, mat leat addojuvvon doaimmahatlága guoski hálddahusa evttohusas.
Lohpe- ja bearráigeahččodoaimmahaga strategiija- ja árvobargu álggahuvvo jagis 2026 go doaimmahaga stivra lea álggahan barggustis. Strategiija- ja árvobarggu stivrejit hálddahusa evttohusas addojuvvon ulbmilat Lohpe- ja bearráigeahččodoaimmahahkii.
Lohpe- ja bearráigeahččodoaimmahaga ulbmilin lea
- fállat ovttalaš ja váikkuheaddji bálvalusaid miehtá Suoma
- bálvalit álbmoga, fitnodagaid ja eará áššehásaid ovttaveardásaččat, beaktilit ja alla kvalitehtain
- sihkkarastit, ahte lohpe- ja bearráigeahččodoaibma lea njuovžil, olahahtti ja váldá vuhtii áššehasaid dárbbuid
- buorida bálvalusaid kvalitehta ja veaddjilvuođa sihke sihkkarasttá, ahte doaibmamállemet dorjot ovttaveardásašvuođa.
Mo mii doaibmat?
Geavadahkamet leat riikkaviidosaččat ja ovttaveardásaččat
Lohpe- ja bearráigeahččodoaimmahat doaibmá riikkaviidosaččat. Riikkaviidosaš doaibmaválddiin sihkkarastit njuovžilis ja ovttalágan geavadagaid miehtá Suoma. Seammás mii leat sajis iešguđet guovlluin. Mii dovdat guovlluid ja doaibmat vuorrováikkuhusas stáhtaráđđehusain, gielddaiguin, buresveaddjinguovlluiguin, ealáhuslági ja álbmotorganisašuvnnaiguin. Mii fuolahit maiddái, ahte gielalaš vuoigatvuođat ollašuvvet min buot doaimmain.
Áššehas lea doaibmamet guovddážis
Mii fállat áššehasaide virgeolmmošbálvalusaid, main áššiid dikšun lea njuovžil ja čielggas. Mii maid fuolahit, ahte min bálvalusat leat olahahtti miehtá Suoma iešguđetlágan dárbbuide. Mii árjat álkes elektrovnnalaš áššiid dikšumii, muhto fállat njuovžilis bálvalankánalaid maid sidjiide, geat eai sáhte dikšut áššiid digitála bálvalusaid bokte.
Doaibmamet lea váikkuheaddji ja beaktil
Doaibmamet doarju servodaga doaibmama ja olbmuid árgga. Mii ordnet doaimmaideamet nu, ahte dat dorjot veaddjilvuođa ja beaktilvuođa nu virgeolmmošbálvalusaid go servvodaga geahččanguovllus. Mii dahkat vejolažžan doaibmasurggiid rasttildeaddji beaktilis geavadagaid ovddideami.
Mii guorahallat buori bargiidpolitihka
Mii hukset oktasaš doaibmakultuvrra, mas máŋggadását áššedovdan, ovttasbargu ja buorre bargoárga johtet giehtalagaid. Doaibmamet vuolggasadjin leat áššehasat, rabasvuohta ja bissevaš ovddideapmi. Mii leat áššedovdit, ođasmahttit ja doaibmat ovttasbarggus. Min ulbmilin lea bargosearvvuš, mas juohke ovttas lea vejolašvuohta váikkuhit.