Oahpásmuva Lohpe- ja bearráigeahččodoaimmahahkii
Stáhta guovlohálddahusa ođastus
Stáhta guovlohálddahusa ođastusas stáhta lohpe-, stivren- ja bearráigeahččodoaimmat sirde ođđa riikkaviidosaš Lohpe- ja bearráigeahččodoaimmahahkii. Seammás hápmejuvvui ođđa guovllolaš eallinvuoibmiguovddážat. Ođđa virgeolbmuid doaimmat sirdašuvve Valviras, guovlohálddahusdoaimmahagain ja EJB-guovddážiin, maid doaibma nogai jagi 2025 loahpas.
Stáhta guovlohálddahusa ođastusa ulbmilin lea nannet ja ovttaiduhttit lohpe- ja bearráigeahččovuogádagaid fuolakeahttá guovllus sihke njuovžilahttit prosessaid ja bálvalusaid.
Lohpe- ja bearráigeahččodoaimmahat lea riikkaviidosaš ja máŋggasuorggát virgeolmmái, guhte fuolaha stáhta lohpe-, bearráigeahččo- ja stivrenbargguid. Doaibmamet álgá 1.1.2026 oassin stáhta guovlluhálddahusa ođastusa.
Lohpe-, bearráigeahččo- ja stivrendoaimmaideamet gullet
- gádjundoaibma ja gearggusvuohta
- sosiála- ja dearvvašvuođasuorgi
- bargosuodjalus
- árrabajásgeassin, skuvlen ja kultuvra
- birasáššit
- dihto surggiid fitnodatdoaibma.
Lohpe- ja bearráigeahččodoaimmahagas lea riikkaviidosaš doaibmaváldi. Ná sihkkarasttit ovttaveardásaš geavadagaid miehtá Suoma. Doaimmahat doaibmá guovlluin nana vuorrováikkuhusas stáhtaráđi virgeolbmuiguin, gielddaiguin, buresveaddjinguovlluiguin, ealáhuslágiin ja álbmotorganisašuvnnaiguin.
Lohpe- ja bearráigeahččodoaimmahat doaibmá miehtá Suoma. Doaibmabáikkit gávdnojit 18 báikegottis, oaivedoaibmabáiki lea Tamperes.
Gádjundoaimma bearráigeahčču ja árvvoštallan, gearggusvuođa guvllolaš ovttasbarggu ordnen, guovlo- ja báikkálaš hálddahusa dorvvolašvuođaplánema ovddideapmi ja sisministeriija doarjun.
Sosiála- ja dearvvašvuođasuorggi, dearvvašvuođasuodjalusa, alkohola- ja duhpáthálddahusa sihke adopšuvdnaáššiid hálddahussii ja nuppástuhttinohcamiid gullevaš virgeolmmošdoaimmat.
Bargosuodjalushálddahusa lobiid, bearráigeahču ja stivrema sihke buvttabearráigeahču doaimmat.
Árrabajásgeassima, skuvlema ja oahpahus-, nuoraid-, girjerájus- ja lihkadandoaimmaide gullevaš doaimmat sihke hávdádandoaibmaláhkii láktaseaddji doaimmat.
Birasáššiid lobit ja bearráigeahčču, birasváikkuhusaid árvvoštallan, guovlluid geavaheami sihke luonddu- ja birassuodjalussii gullevaš doaimmat, čáziid- ja mearradikšuma ja čáhcedoalloáššiid doaimmat sihke almmolaš ovddu bearráigeahčču.
Earet eará opmodatsoabadallifitnodagaid ja bearrandoaimmafidnošeaddji registreren ja bearráigeahčču, gielddaid bargofápmobálvalusaid bearráigeahčču, ruđabassanlága stivren-, registreren- ja bearráigeahččodoaimmat, dihto servožiidda čuohci lohpe- ja riektesihkarvuođadoaimmat sihke gielddaid ja buresveaddjinguovlluid váidagiid giehtadallan.